Zimetolewa tuzo za Golikipa bora 10 bora duniani – De Gea ashangaza wengi

 

Wakati tukisubiri tuzo za mwanasoka bora wa dunia ambaye anategemewa kutangazwa wiki ijayo, shirikisho la historia ya soka na takwimu (IFFHS) limetangaza listi ya magolikipa bora 10 wa mwaka uliopita.

Katika hali ya kushangaza kabisa mchezaji bora wa klabu ya Manchester United msimu uliopita na msimu huu unaoendelea – golikipa kinda wa kihispaniola David De Gea hayumo kwenye orodha hiyo – jambo ambalo limeleta mjadala mkubwa miongoni mwa wadau michezo duniani.

Golikipa wa Bayern Munich Manuel Neuer kwa mara nyingine ametajwa kushika nafasiya kwanza kama golikipa bora duniani.

Kwa mujibu wa takwimu za IFFHS, Neuer ameshinda kwa wastani mkubwa, akiwa na pointi  216 huku anayemfuatia golikipa wa Chelsea Thibaut Courtois akiwa na pointi 96.

Baada ya kuwa na wakati mzuri kwenye michuano ya kombe la dunia magolikipa kama  Keylor Navas na Claudio Bravo nao wameingia kwenye listi hiyo.

Magolikipa wengine waliopo kwenye listi hiyo ni Buffon, Sergio Romero, Ochoa wa Mexico, Hugo Lloris na mwafrika Vincent Enyeama kutoka Nigeria.

Kutokuwemo kwa De Gea, Iker Casillas ambaye ni mshindi wa ubingwa wa ulaya, Copa Del Rey na klabu bingwa ya dunia kumeleta malalamiko mengi.