Ronaldo: Mwanangu Ni Mnazi Mkubwa Wa Lionel Messi

Mwanasoka bora duniani Cristiano Ronaldo amefichua siri kubwa kwa kusema mwanawe Cris junior ni shabiki mkubwa wa mshambuliaji kutoka nchini Argentina pamoja na FC Barcelona Lionel Messi.
Ronaldo amefichua siri hiyo ikiwa ni muendelezo wa kuelezea furaha yake ya kutwaa mara mbili mfululizo tuzo ya mwanasoka bora wa dunia kwa kuwabwaga Lionel Messi pamoja na mlinda mlango Manuel Nuer kutoka nchini Ujerumani.
Amesema mwanawe sio shabiki wake zaidi ya kutambua yeye ni baba, na badala yake kila mara amekua akimfuatilia Messi katika michezo kadhaa ya klabu ya Barcelona na kukiri wazi kwamba anampenda sana mshambuliaji huyo.
Ronaldo amesema hashangazwi na hatua hiyo kutokana na mwanawe kuwa na haki ya kupenda akitakacho, na wala hajisikii vibaya pale anapozungumza na Cris junior na kuelezea hisia zake dhidi ya Lionel Messi.
Cristiano Ronaldo amekua akishindanishwa na Lionel Messi kila kukicha kutokana na viwango vyao kutaka kushabihiana hususan katika ligi ya nchini Hispania pamoja na michuano ya barani Ulaya.