MAYWEATHER AZICHAPA NA T.I KAVUKAVU KWENYE MGAHAWA

Bondia Floyd Mayweather ameripotiwa kuzipiga na msanii wa miondoko ya rap T.I katika mgahawa mmoja mjini Las Vegas, Marekani.
Kwa mujibu wa tovuti ya TMZ, T.I aliamua 'kulianzisha' na Floyd Mayweather ambaye kazi yake na fani yake ni 'kurusha mikono'.
Tovuti hiyo ambayo huandika habari za udaku za 'macelebrity', imesema mtafaruku huo ulitokea nje ya
mgahawa wa Fatburger, ambapo T.I alimfuata bondia huyo hodari duniani na kuanza kumrushia masumbwi kabla ya walinzi wao kuingilia kati na kuwatenganisha.
Polisi wa Las Vegas wamethibitisha kutokea kwa kasheshe hiyo, ingawa hakuna sababu hasa iliyotolewa ya kuzuka kwa ugomvi huo.

Picha kwa hisani ya Eurosport.com