Naitwa Dada Tunu, ni mwanamke mwenye umri wa miaka 33,nipo kwenye wakati mgumu sana katika maisha yangu, najitokeza kwenu watanzania wenzangu ili mnishauri nifanye nini. Kwa ufupi ni kwamba, niliolewa mwaka 2001,kisha mimi na mume wangu tukahamia Morogoro. Sikubahatika kupata mtoto hadi mwaka 2010 ambapo nilijifungua mtoto wa kike, hata hivyo mtoto huyo hakuwa riziki kwani miaka miwili baadaye alifariki dunia, hii ilikuwa mwezi Machi 2012, niliumizwa sana na kifo hicho, ukichukulia manyanyaso niliyokuwa nayapata kwa mawifi zangu, wakwe zangu na mume wangu mwenyewe kutokana na kutobeba ujauzito, miezi mitatu baadaye mume wangu alinifukuza na kuoa mwanamke mwingine. Siwezi kuelezea uchungu nilioupata. Nilifukuzwa kama mbwa. Nilifikia hatua ya kutamani hata kujiua lakini Mungu aliniepusha. Baada ya tukio hili niliamua kurudi nyumbani kwa wazazi wangu. Nikiwa nimesharudi nyumbani kwetu, siku moja nilikutana na dada mmoja ambaye alikuwa rafiki yangu wa tangu utotoni, huyu na yeye alikuwa ameolewa na kuachika kwa mumewe, aliachwa na watoto watatu, wa kwanza alikuwa na miaka 7. Nilishangaa kumuona rafiki yangu huyu akiwa na mafanikio makubwa sana. Alikuwa na majumba, magari na biashara mbalimbali . Nilijiuliza maswali mengi sana, kuhusu mahali alipo upata utajiri wake kwani nakumbuka ni miaka miwili tu iliyokuwa imepita nilipokuwa nimerudi kutembea nyumbani nilikutana naye akiwa na maisha magumu sana, alikuwa ndio ametoka kuachwa na mume wake . Baada ya kuongea naye kwa kirefu nikimuomba anisaidie na mimi niwe kama yeye, aliamua kunipeleka kwenye kikundi chao. Kikundi hiki ni cha wanawake walio achwa na waume zao. Dada huyu aliniunganisha kwa mkuu wa hicho kikundi ambaye wao walikuwa wanaumita DADA MKUBWA ama BIG SISTER. Dada mkubwa alinihoji maswali mengi sana, baadaye akaniambia nirejee baada ya siku saba, baada ya siku saba, akakichukua na kunipeleka kwenye hoteli moja ya kifahari hapa hapa jijini Dar Es salaam. Huko nilikutanishwa na wanawake wenzangu kama kumi na mbili ambao nao walikuwa wamepelekwa kwa mara ya kwanza. Baada ya kupewa maelekezo, tulipelekwa kwenye chumba maalumu ambapo tulinganishwa na wanawake wengine kama thelathini ambao ni matajiri sana, baadhi yao niliwatambua kwa sura kutokana na umaarufu wao. Wengine ni wake za watu, watu maarufu, wanafunzi wa vyuo na sekondari na wengine ni raia wa nchi nyingine kama vile Nigeria, Ghana na Kenya. Wote hawa walikuwa wamevaa mavazi maalumu. Tulipewa maelekezo maalumu ambapo baadaye wote tulitakiwa kuvua nguo zetu na kubaki kama tulivyo zaliwa. Ibada ilio ongozwa na wanaume watatu walio valia mavazi maalumu, kiongozi wa ibada alikuwa mwanaume kijana mdogo tu ambaye wakati wote alikuwa anazungumza maneno nisiyo yaelewa. Baada ya hapo ikawa kila wiki tunarudi tena kufanya ibada hii na kila wiki kulikuwa na wanawake wapya zaidi ya ishirini ambao wameletwa kujiunga. Hapa ndio nikawa nimeingia rasmi kwenye kanisa hili la kusali uchi bila kutarajia Miezi sita baadaye nikawa tayari namiliki nyumba kadhaa, magari na biashara zinazo nilipa sana. Ingawa katika kanisa hili hakuna masharti ya kutoa damu za watu, lakini ukiingia katika kanisa hili unafanya mkataba maalumu na shetani, kwanza utatakiwa kumtumikia shetani katika maisha yako yote ya hapa duniani ambayo maana yake ni kwamba, unakuwa umekubali kuwa na maisha mazuri hapa duniani na utakapo kufa uende jehanamu. Utapata kila kitu unacho kitu unacho kitaka, kuanzia, pesa, magari,majumba,mapenzi, nguvu, exposure na kila kitu kizuri unacho kijua wewe, lakini kwa sharti la kuuza roho yako kwa shetani. Ukiingia kwenye kanisa hili ni hakuna kutoka, wala kutoa siri zao. Ukitoka utapata matatizo makubwa na ukijitoa ndio balaa. Mimi nimeamua kujitoa mhanga ili kuwasaidia watanzania wenzangu hasa wanawake kwa sababu kuna wanawake wengi sana kuanzia wanafunzi wa shule za sekondari, vyuo, wake za watu , wafanyakazi ,wafanyabiashara hadi watu maarufu wamekuwa wakijiunga na kanisa hili kila kukicha kwa ajili ya kupata huo utajiri wa kishetani. Sikushauri ufanye hivyo kwani mwisho wa siku nafsi yako itaangamia. Binafsi ninaumia sana moyoni kuona kuwa nina mali, na utajiri mkubwa lakini nimeupata kwa shetani na siku nitakayo kufa ninakwenda Jehanamu. Sina raha na utajiri wangu na ninatamani niyatelekeze majumba yangu, kisha niende nikaishi maisha yangu ya awali, ya kimasikini lakini nikiwa na amani moyoni, ila ninashindwa kwa sababu nilisha jifunga na kanisa hili.
Ninaomba ushauri wenu watanzania wenzangu, ninataka kujitoa lakini ninaogopa madhara ninayo weza kuyapata kutokana na kujitoa. Nifanye nini ili niweze kujitoa. . Unaweza kuniandikia kupitia barua pepe yangu : tunukondo@gmail.com
No comments:
Post a Comment