HATIMAYE YUSUF MANJI AKATWA CCM,VURUGU KUBWA ZATOKEA,SOMA HAPO KUJUA

Mwenyekiti wa Yanga, Yusuf Manji picha na maktaba

VURUGU kubwa zimetokea katika ofisi ya CCM mkoa wa Dar es Salaam baada ya Wanachama wa chama hicho, kupinga hatua ya uongozi wa CCM mkoani hapa kutengua ushindi wa kura ya maoni kwenye ngazi ya Udiwani  kata ya Mbagala kuu aliopata Yusuf Manji,  ushindi huo kupatiwa na aliyeshika  nafasi ya pili katika ngazi hiyo Abubakari Athumani.Anaandika KAROLI VINSENT endelea nayo.

           Wakizungumza kwa Jazba  na Mtandao huu ,wanachama hao wa CCM kutoka kwenye kata hiyo iliyoko wilayani Temeke mkoani hapa wamesema wamesikitishwa na kitendo cha mwenyekiti wa CCM mkoa Ndugu Ramadhan R. Madabida  pamoja na Katibu mwenezi wa CCM mkoa Juma Simba Gadafi wanakidai kuwa viongozi hao wamekiuka kanuni za chama kwa kutumia ubabe kulikata jina la mgombea wao.

          “Tumechoka sana na hiki chama,leo kinaendesha kibabe sana,maana mzee Manji tumemchagua kwa kura za kishindo na huyu ajatoa rushwa wala nini,inakuwaje wamkate jina lake bila sababu ya msingi,na kutupa mtu wanaomtaka wao,hatukubali tunarudisha kadi zao tunahamia UKAWA”amesema Emmanuel john mwanachama wa CCM

        Mtandao huu ulimtafuta Ndugu Ramadhan R. Madabida    ambaye ni Mwenyekiti  wa CCM mkoa hapa,ili kutaka kujua kirikoni yanatokea hayo   ambapo amesema kamati ya ccm mkoa imefikia maamuzi ya kumpokonya ushindi Yusuf Manji ambaye pia ni Mwenyekiti wa Klabu ya Mpira ya Yanga ni kwa kutokana kukiuka kanuni za CCM kwa kushindwa kwake yeye kufika mbele ya Kamati kutoa ufafanuzi juu ya tuhuma  zinazomkabili.

       “Huyu bwana (Manji) tumemwita kwenye kamati aje kutuambia ameshindaje ushindi wake na ameupataje, lakini yeye alikuwa anakaidi,tumempigia simu mara kadhaa bado apokea simu yake,basi kwa njia hiyo,ni kinakwenda kinyume na katiba ya CCM na tumeamua kufuta ushindi wake na kumpatia mgombea wa Pili ushindi wa kupeperusha bendera udiwani kwenye kata ya Mbagala kuu”amesema Madiba.