BAADA YA UKIMYA WA MUDA MREFU HATIMAYE ANNA MAKINDA AFUNGUKA VIKALI

 

Spika wa Bunge, Anna Makinda,  amewataka wakazi wa mikoa ya Nyanda za Juu Kusini kuepuka wagombea watakaowashawishi kwa kuwapa rushwa ili wachaguliwe wakati Uchaguzi Mkuu nchini Oktoba 25, mwaka huu kwa sababu wanachangia kukithiri umaskini nchini.

 

Makinda alitoa kauli hiyo juzi, wakati akifungua  Maonyesho ya 23 ya Kilimo maarufu kama Nanane Kanda hiyo  yanayofanyika viwanja vya John Mwakangale vilivyopo nje kidogo ya Halmadhauri ya Jiji la Mbeya.

 

 Alisema wakazi wa mikoa ya kanda hiyo ya Mbeya, Iringa, Njombe, Ruvuma, Songwe na Rukwa, jukumu kubwa lao kubwa ni kuchagua kiongozi bora na kuwakwepa watoa rushwa.

 

Alisema rushwa katika uchaguzi ina madhara makubwa kwa sababu kwa kiwango kikubwa  inayochangia kukithiri kwa umaskini katika jamii.

 

" Nasema hivi wakileta pokeeni na kura msiwapigie, "alisisitiza.

 

Kwa upande mwingine aliwahamisha wakazi hao kutumia fursa ya Uwanja wa Ndege wa Kimataifa Songwe (SIA) kuongeza uzalishaji mazao ya chakula na biashara na kujiongezea kipato.

 

Makinda alisema serikali imewekeza kwa kuboresha miundombinu ya barabara na anga kwa ajili ya kuwatengenezea mazingira wakulima ya kupata soko la uhakika la mazao na kukuza uchumi na pato la taifa.

 

Awali  Mkuu wa Mkoa wa Ruvuma,  Saidi Mwambungu, alisema serikali imeweka mikakati ya kupatikana kwa masoko ya mazao ya wakulima na kuwataka wakuu wa mikoa hiyo na halmashauri nchini kuhakikisha maofisa ugani wanakwenda vijijini kutoa elimu ya kilimo bora kwa wakulima. 

CHANZO: NIPASHE