Emmanuel Okwi asaini mkataba wa miaka 5 na klabu ya Denmrak, SønderjyskE

Aliyekuwa mshambuliaji wa Simba ambaye pia ni mchezaji wa timu ya taifa ya Uganda, Uganda Cranes, Emmanuel Okwi amesajiliwa na klabu ya Denmark inayocheza kwenye Danish Superliga, SønderjyskE.

Okwi amesaini mkataba wa kuichezea klabu hiyo kwa miaka mitano baada ya kumaliza vipimo vya kiafya. Mkurugenzi wa michezo wa timu hiyo, Hans Jørgen Haysen alisema wamekuwa wakimfuatilia Okwi na wamefurahi kumsainisha.

Kupitia website ya klabu hiyo, Jørgen alisema wamekubaliana na klabu yake ya zamani, Simba kuhusiana na gharama za uhamisho. Okwi amejiunga na timu hiyo ikiwa ni wiki chache tu baada ya kufunga ndoa.