VAN GAAL: TUMEONESHA JINSI GANI SISI NI BORA, AJABU TUMETUMIA WACHEZAJI WOTE 23

UHOLANZI imeonesha ubora wake kwa kuipiga Brazil mabao 3-0 jana usiku na kutwaa nafasi ya tatu ya kombe la dunia, kwa mujibu wa kocha Louis van Gaal.

The Orange ilipata ushindi mnono dhidi ya wenyeji na shukurani kwa mabao ya Robin Van Persie, Daley Blind na Georginio Wijnaldum, ambapo ilikuwa mechi ya mwisho kwa Van Gaal kuiongozo Uholanzi kabla ya kuanza kazi mpya katika klabu ya Manchester United.

Kocha huyo alisema alikuwa na furaha kuona wachezaji wake wameimarika vizuri kufuatia kufungwa na Argentina katika mchezo wa nusu fainali.

“Ilikuwa ngumu sana kwetu,” Van Gaal aliwaambia NOS baada ya mchezo. “Ugumu wote ulikuwa kwetu. Brazil walikuwa angalau na siku zaidi ya maandalizi na tulifungwa kwa penati”.

“Tungekuwa fainali. Morali yetu ilishuka baada kufungwa na Argentina. Nitazungumzia mechi ya Brazil katika mazungumzo  na timu yangu na sio kuhusu Argentina. Kwa bahati nzuri tumeonesha tena jinsi gani tuna ubora”.

Kipa wa Swansea,  Michel Vorm aliingia katika dakika ya mwisho , inamaanisha Uholanzi imewatumia wachezaji wote 23 katika fainali za 2014 nchini Brazil.

“Ni ajabu kwamba tumetumia wachezaji wote 23, Van Gaal alisema. “Wachezaji walimhitaji Vorm katika kikosi cha kwanza, lakini niliwaambia haitawezekana kwasababu nilikuwa nahitaji kikosi bora cha kwanza. Wakati tunaongoza 2-0 nilipata hisia nzuri za kumuingiza ka