Fabregas;Nilitaka kurudi Arsenal lakini Hili ndo Jibu Alilo nipa Wenger

 

Kiungo kutoka nchini Hispania Cesc Fabregas amesema kabla hajafanya maamuzi ya kujiunga na klabu ya Chelsea, bado alikuwa na matarajio makubwa ya kurejea kwenye klabu ya Arsenal ambayo ilikubali kumuuza mwaka 2011 kuelekea FC Barcelona.

Fabregas, aliweka wazi matarajio yake ya kurejea Emirates Stadium, akiwa mbele ya vyombo vya habari huko nchini Brazil ambapo amedai kwamba klabu ya Arsenal ilikuwa chaguo lake la kwanza baada ya kuthibitishiwa hayupo kwenye mipango ya meneja mpya Luis Enrique.

Amesema alifanya mazungumzo na meneja wa klabu hiyo ya kaskazini mwa jijini London, Arsene Wenger, kwa lengo la kutambua kama angekuwa tayari kumrejesha, lakini alijibiwa nafasi yake klabuni hapo haipo kwa sasa.

Kiungo huyo mwenye umri wa miaka 27 amesema Wenger, alimwambia kwa sasa nafasi yake imeshikwa na kiungo kutoka nchini Ujerumani Mesut Ozil ambae alimsajili kutoka Real Madrid mwanzoni mwa msimu wa mwaka 2013-14.