SUMAYE apigwa chini,,,,,,,ANGALIA MATOKEO MBALIMBALI ya CHAGUZI za CCM,

Waziri Mkuu Mstaafu wa Tanzania Mh. Frederick Sumaye.

Baadhi ya majina makubwa yaliyopoteza uchaguzi ni Waziri Mkuu mstaafu Frederick Sumaye, Naibu Waziri wa Habari Vijana Utamaduni na
Michezo Amos Makalla na Mbunge wa Jimbo la Igalula Dkt. Athumani Mfutakamba aliyeambulia kura 231 akiangushwa na Mtendaji wa Kata.

Katika chaguzi hizo Mbunge wa zamani wa Jimbo la Nyamagana Lawrence Masha amepata ushindi wa kishindo na kuukwaa Ujumbe wa Halmashauri Kuu ya CCM Taifa (NEC).

Waziri wa nchi Ofisi ya Waziri Mkuu Uwekezaji na Uwezeshaji Dk Mary Nagu ambaye pia ni Mbunge wa Wilaya ya Hanang’ mkoani Manyara ameibuka kidedea na kumshinda mpinzani wake Waziri Mkuu mstaafu Frederick Sumaye.

Msimamizi wa uchaguzi huo Elaston Mbwilo alisema kuwa Dk Nagu aliibuka kidedea kwa kupata kura 648 ambapo mpinzani wake Frederick Sumaye aliambulia kura 481 kati ya kura 1129 zilizopigwa ambapo kura 41 ziliharibika.